Isca! é umha organizaçom juvenil independentista e socialista que visa organizar a juventude trabalhadora de todo o nosso país na defesa dos interesses nacionais e de classe na procura de umha ruptura com o sistema capitalista e o Estado espanhol. É a organizaçom juvenil de referência do atual Movemento Arredista, e no passado foi-no do Movemento Galego ao Socialismo, e participa tanto em Galiza Nova como no BNG e outros espaços so soberanismo organizado.
História
Isca! nasce em 2006 a partir de um grupo de militantes nacionalistas de Galiza Nova críticas com a deriva do nacionalismo oficial, conscientes da necessidade de organizar a mocidade em chave revolucionária para defender um projeto de cambio social real.
A nossa atividade
Como organizaçom juvenil estratégica, o trabalho político, articulado através do Movemento Arredista, centra-se, ademais de na intervençom nos espaços amplos do soberanismo, na formaçom de quadros políticos no marxismo-leninismo para a construçom de umha teoria e umha praxe socialista, independentista e transfeminista desde a Galiza.
Jornadas
Algumhas das atividades de que se ocupou Isca! monograficamente fôrom a abordagem da questom LGBT, especialmente a trans, desde o marxismo; o apoderamento da juventude trabalhadora através de jornadas de formaçom sindicais sobre o mundo do trabalho ou encontros sobre internacionalismo.
Contacto
- info@iscagz.org
- O formulário da web: https://iscagz.org/escribenos/